22 10 2022

«Դատարանը» կալանավորում է 22 տարեկան դատավորի օգնական աղջկա․ կալանքի ֆետիշը հենց սա է․ պատգամավոր

«Դատարանը» կալանավորում է 22 տարեկան դատավորի օգնական աղջկա․ կալանքի ֆետիշը հենց սա է․ պատգամավոր

«Հայաստան» խմբակցության պատգամավոր, իրավաբան  Արամ Վարդևանյանը գրում է․

2021 թվականին ստեղծվեց նոր մասնագիտացած դատարան մինչդատական քրեական վարույթի նկատմամբ դատական վերահսկողության գործերով, հանրության կողմից հայտնի «Կալանքի դատարանը»: Այդ «դատարանի» համար ընտրվեցին հիմնականում հատուկ «դատավորներ»: Համոզված եմ, որ հանրության պահանջը դատական բարեփոխումների մասով «Կալանքի դատարան» ստեղծելը չէր, դա օրվա իշխանությունների պատկերացումն էր:

Այսօր հայտնվել ենք այն իրականության մեջ, որ այդ «դատարանը» կալանավորում է 22 տարեկան, պարզապես դատավորի օգնականի կարգավիճակ ունեցող աղջկա: Կալանքի ֆետիշը հենց սա է: Հենց այս բոլոր իմաստներով անընդունելի երևույթի մասին խոսել եմ բազմիցս: Պատկերացրեք մի դատական համակարգ, որի ընկալումը այն է, որ 22 տարեկան իրավաբանի մասնագիտացում ունեցող աղջիկը, ով պարզապես դատավորի օգնական է, ում վերաբերյալ որևէ սարսափելի ապացույցներ չկան պետք է հենց կալանավորվի: Նման ելակետորով իրավապահ համակարգի ռեպրեսիվ արձագանքը պարզապես անձնական ազատության իրավունքը ձևական դարձնելն է, թղթի վրա թողնելն է:

Հիշեցնեմ ըստ քրեական դատավարության օրենսգրքի՝ Դատախազությունը ցանկացած պահի կարող է փոխել այս իրավիճակը պարզապես հանձնարարելով քննիչին ազատ արձակել կալանավորված անձին, դրանով կալանավորումների ֆետիշը կանխելու հստակ մոտեցում ցուցաբերել, բայց նման գործողություն որևէ դեպքով չենք տեսել...

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ