19 01 2023

«Երկիր Մեդիան» դատարան է դիմել․ «Հրապարակ»

«Երկիր Մեդիան» դատարան է դիմել․ «Հրապարակ»

«Հրապարակ»-ը գրում է․ Հեռուստատեսության և ռադիոյի հանձնաժողովը 2022 թվականի դեկտեմբերի 2-ին կայացած նիստում որոշեց հանրային մուլտիպլեքսում սլոթի օգտագործման լիցենզավորման հանրապետական սփռման իրավունք տալ 4 հեռուստաընկերության։


Դրանք են՝ «Արմենիա թի-վի» ՓԲ, «Ա-թիվի» ՍՊ, «Շանթ» ՍՊ, «Մուլտի մեդիա-Կենտրոն թիվի» ՓԲ ընկերությունները։ Մրցույթին մասնակցող Հ2 և «Երկիր մեդիա» հեռուստաընկերություններն ամենաքիչ միավորներն էին հավաքել։

ՀՌՀ նախագահ Տիգրան Հակոբյանն իր խոսքում նշել էր, որ հաշվի են առնվել հեռուստաընկերությունների ֆինանսական և տեխնիկական բաղադրիչները։ Այսպիսով «Երկիր մեդիա» հեռուստաընկերությունը դատական հայց է ներկայացրել Հեռուստատեսության և ռադիոյի հանձնաժողովի դեմ, որպեսզի նախկինում 5 ազատ սլոթը, որը Հ2-ի ներակայցրած դատական հայցից հետո դարձել է 4, վերականգնվի:

«Երկիր մեդիա» հեռուստաընկերության տնօրեն Բագրատ Եսայանը «Հրապարակի» հետ զրույցում ասաց, որ վաղը «Երկիր մեդիա» հեռուստաընկերության եթեր հեռարձակման վերջին օրն է, սակայն անջատելով հեռուստաալիքը, սլոթը մնում է ազատ, ՀՌՀ-ն այն չի համարում օգտագործման ենթակա:

Եսայանի խոսքով` հունվարի 21-ից «Երկիր մեդիայի» հեռուստադիտողները կարող են հետևել իրենց միայն կաբելային թիվիների միջոցով, իսկ ահա «Երկիր մեդիայի» ներկայացրած հայցի վերաբերյալ դատարանն այսօր կկայացնի որոշում` բավարարե՞լ այն, թե՞ ոչ:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ