Վարչապետի պատասխանը համոզիչ չէ. Transparency International

«Transparency International» հակակոռուպցիոն կենտրոնի նախագծերի ղեկավար Վարուժան Հոկտանյանը լրագրողների հետ զրույցում կարծիք հայտնեց, որ վարչապետի պատասխանը՝ նախարարների աշխատավարձերի բարձրացման վերաբերյալ, համոզիչ չեն։

Նա նշեց, որ հասկանալի է, որ պետական բարձր պաշտոնյաները պետք է արժանի վարձատրվեն, բայց այստեղ կարեւոր է ոչ միայն գաղափարն ինքը, այլ նաև դրա իրականացման մոտեցումները։ «Պետական մարմինների աշխատանքում կարևոր է ոչ միայն թափանցիկությունը, այլեւ հաշվետվողականությունը, իսկ հիմնավորումը, թե նախարարների աշխատավարձերի փոփոխության մասին հասարակությունը, միեւնույն է, իմանում է հայտարարագրերից հետո, համոզիչ չի հնչում։ Չեմ կարծում, թե բարձրացումն արվել է օրենքի խախտմամբ։ Գուցե, խախտվել է ինչ-որ ենթաօրենսդրական ակտ»,- նշել է նա՝ հավելելով, որ  կարեւոր է նաև հասկանալ, թե որքանով աշխատավարձերի բարձրացումը կանդրադառնա պաշտոնյաների աշխատանքի արդյունավետության վրա։