Արցախում քննարկել են սոցաջակցության ծրագրերի և ենթակառուցվածքների վերականգնման խնդիրները

Արցախի Հանրապետության նախագահ Արայիկ Հարությունյանը նոյեմբերի 19-ին հրավիրել է աշխատանքային ընդլայնված խորհրդակցություն՝ ստեղծված իրավիճակում բնակչության սոցիալական աջակցության ծրագրերի եւ ենթակառուցվածքների վերականգնման խնդիրների թեմայով:

Իրականացվող աշխատանքների ընթացքի վերաբերյալ զեկուցումներով հանդես են եկել պետական նախարար Գրիգորի Մարտիրոսյանը, ԱՀ աշխատանքի, սոցիալական եւ բնակարանային հարցերի, էկոնոմիկայի եւ արտադրական ենթակառուցվածքների նախարարությունների պատասխանատուները:

Երկրի ղեկավարը նշել է, որ օր առաջ պետք է ավարտել ենթակառուցվածքների վերականգնման աշխատանքներն ինչպես մայրաքաղաքում, այնպես էլ շրջաններում: Նախագահի խոսքով՝ պետք է գործադրել բոլոր ջանքերը բնակիչների վերադարձի կանոնավոր կազմակերպման եւ անհրաժեշտ գույքով ապահովելու ուղղությամբ:

Անդրադառնալով անօթեւան մնացած քաղաքացիների բնակարանային խնդիրներին՝ Արայիկ Հարությունյանը նշել է, որ առաջին փուլում պետք է լուծել ՀՀ տարածքում նրանց կեցության խնդիրները՝ համագործակցելով ՀՀ պետական լիազոր մարմինների հետ:

Խորհրդակցության ընթացքում քննարկվել են նաեւ ստեղծված իրավիճակին վերաբերող այլ հարցեր