02 12 2022

«Երևան պարկում» այսուհետ կգործի նաև հեքիաթային մեծ սահադաշտ



 

Ձմռան առաջին օրը՝ դեկտեմբերի 1-ին, քաղաքի ամենասիրելի վայրերից մեկում՝ «Երևան պարկում» բացվեց նաև մեծ սահադաշտ՝ համալրելով ձմեռային ժամանցի տարբերակները:

«Երևան պարկի» հիմնադիր Գարեգին Նուշիկյանը լրագրողների հետ զրույցում նշեց՝ պարկում ձմեռային մասի համալրումը պայմանավորված է իրենց այցելուների պահանջով. «Մեկուկես տարի է արդեն գործում է «Երևան պարկը», և ժամանակի ընթացքում մեր հյուրերը միշտ հարց էին բարձրացնում սահադաշտի հետ կապված, որովհետև ամառային մասը հագեցած էր, իսկ ձմեռային հատվածը համեմատաբար ավելի թույլ էր: Դրա համար մենք որոշեցինք այս տարի իրականացնել մեր հյուրերի ցանկությունը: Որոշեցինք, որ այս տարի յուրահատուկ պետք է ներկայանանք մեր քաղաքին: Եվ սա համընկավ Եվրատեսիլի հետ, որի բոլոր մասնակիցները մեր հյուրերն են լինելու: Մենք շատ ուրախ ենք, որ կկարողանանք մեր քաղաքը ներկայացնել այսպես, քանի որ գաղտնիք չէ, որ բազմաթիվ երկրներից մասնակիցներ են լինելու»:

«Երևան պարկի» տնօրեն Գագիկ Նուշիկյանն էլ նշեց, որ այս տարի առաջին անգամ ձմռանը կգործեն բացօթյա ատրակցիոնները, ինչպես նաև սահադաշտը և բոլորի դեպքում կլինի մեկ տոմսի գաղափարը. «Այսինքն գնում են մեկ տոմս և ատրակցիոններից օգտվում են անսահմանափակ: Մենք նույն կոնցեպտը պահպանել ենք նաև սահադաշտի դեպքում, հյուրերը կարող են անսահմանափակ օգտվել սահադաշտից

Այս տարի առաջին անգամ նաև գործում են բացօթյա ատրակցիոնները ու նաև ավելացրել ենք սահադաշտ, գինը չի փոխվել, մնացել է 12 հազար դրամ՝ մեկ անձի համար, մինչև 90 սմ երեխաների համար՝ անվճար»:

Նշենք, որ «Երևան պարկում» բացի բացօթյա ու փակօթյա ատրակցիոններ ու մեծ սահադաշտից, գործում են նաև Game Zone, Sweet factory, «Ամրոց» սրճարանը և ֆուդկորտ:

Մանրամասները՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ