21,6 մլրդ դրամ՝ շուրջ 251,6 կմ ճանապարհահատվածների հիմնանորոգման համար. Քրիստինե Ղալեչյան

Պետական նշանակության ավտոճանապարհների և տրանսպորտային օբյեկտների հիմնանորոգման ծրագիրն իրականացնելու նպատակով 2020 թվականի պետական բյուջեի միջոցներից տրամադրվել է շուրջ 21,6 մլրդ՝ 10 մարզերում գտնվող շուրջ 251,6 կմ ընդհանուր երկարությամբ ճանապարհահատվածների և թվով 8 տրանսպորտային օբյետկտների հիմնանորոգման նպատակով: Լրագրողների հետ հանդիպմանն ասաց ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը:

«Միաժամանակ իրականացման փուլում է գտնվում  փոխանցիկ համարվող շուրջ 31 կմ ճանպարհահատվածներ, որոնք չեն ավարտվել 2019 թվականին: Մենք գրեթե ամբողջությամբ ավարտել ենք մրցութային գործընթացները, կնքել ենք պայմանագրերը և ամբողջ ծավալով անցել ենք շինարարության մեկնարկի փուլ»,- նշեց բանախոսը: