20 04 2023

Քյարամյանը ժողովրդի վճարած հարկերից ամսական կստանա մոտ 2 մլն դրամ աշխատավարձ․ «Հրապարակ»

Քյարամյանը ժողովրդի վճարած հարկերից ամսական կստանա մոտ 2 մլն դրամ աշխատավարձ․ «Հրապարակ»

«Հրապարակ» թերթը գրում է. «Կառավարության այսօրվա նիստում քննարկվելու է «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարելու նախագիծը։ Այդ փոփոխություններով առաջարկվում է բարձրացնել Քննչական կոմիտեի ինքնավար պաշտոններ զբաղեցնող անձանց, այսինքն՝ քննիչների, այդ թվում նաեւ ՔԿ նախագահ Արգիշտի Քյարամյանի ամսական վարձատրությունը։ Առաջարկվում է նրանց ամսական հավելավճար տրամադրել պաշտոնային դրույքաչափի 92 տոկոսի չափով։

Նշենք, որ ՔԿ նախագահի պաշտոնային դրույքաչափը կազմում է 998 հազար 200 դրամ: Եթե սրան գումարենք նաեւ 92 տոկոս ամսական հավելավճարը՝ 918 հազար դրամը, կնշանակի՝ Արգիշտի Քյարամյանը մեր ժողովրդի վճարած հարկերից ամսական կստանա 1 մլն 916 հազար դրամ»:

Առավել մանրամասն՝ թերթի այսօրվա համարում

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ