Դավաճանության մեկ օրը․ Վահե Սարգսյան

Վահե Սարգսյանը ֆեյսբուքյան իր էջում գրում է․

Դավաճանության մեկ օրը
1. Տարիների աշխատանքի արգասիք, միջազգային իրավունքի վրա հիմնված սահմանագծման կանոնները բռնաբարելով՝ մի քանի ժամում իբր «վերջանականպես սահմանագծվել են» այն 3 հատվածները, որտեղ միայն Ադրբեջանն ունի բան ստանալու:
2. Ադրբեջանի վերջնագիրը և Փաշինյանի հերթական դավադիր գործարքը գավառական ճարպիկների խմբակը փորձել է ներկայացնել իբրև աննախադեպ իրադարձություն՝ սահմանագծում:
3. Դավադիր գործարքի արդյունքում հաշված օրերի ընթացքում թշնամուն են հանձնվելու ռազմավարական նշանակության հսկայածավալ տարածքներ (ստորև բերվող լուսանկարներում դրանք ներկայացված են կարմրավուն շեղագծերով):
4. Թշնամին Կիրանց գյուղի մոտ նստում է Երևան - Թբիլիսի միջպետական մայրուղու վրա (առայժմ միայն այնտեղ, այնուհետև՝ ևս 4 տեղ Կիրանց - Բաղանիս հատվածում):
5. Միջպետական մայրուղին Կիրանց գյուղի մոտ տեղափոխվում է, որը պետք է նոր կառուցվի:
6. Թշնամուն է անցնում Կիրանց գյուղի մի փոքր թաղամասը. թշնամին Շուռնուխ գյուղի օրինակով մասնատում է գյուղը, Ադրբեջանի զինված ստորաբաժանումները տեղակայվում են Կիրանցի մեջ:
7. Թշնամին համաձայնել է այս փուլում իր վերջնագիրը խմբագրել և առայժմ հետ ստանալ միայն նշյալ 4 գյուղերով պարփակված տարածքները. Կիրանց-Ոսկեպար ճանապարհի 4 հատվածները, ինչպես նաև մնացած «անկլավները» թշնամին կստանա փուլերով՝ հնարավորություն տալով Փաշինյանին մնալ իշխանության:

8. Ադրբեջանը հաճույքով ընդունել է փաստը՝ ԱԳՆ մամուլի քարտուղար Այխան Հաջիզադեի միջոցով հրապարակելով քարտեզ (տե՛ս ստորև), որտեղ հստակ մատնանշված է մյուս փուլերում ստանալիքը, ներառյալ «անկլավները»:
9. Որևէ բառ չկա թե՛ այդ նույն հատվածում Բերքաբեր գյուղի շուրջ 1000 հա օկուպացված հողատարածքների, ինչպես նաև 32 բնակավայրերից օկուպացված ՀՀ այլ տարածքների վերադարձի մասին:
10. Կազմաքանդվում է ողջ պաշտպանական-անվտանգության համակարգը Տավուշի մարզում, թշնամին ավելի հարմար է դիրքավորվում բնակավայրերի մոտ / մեջ՝ ստանալով ավելի ցավոտ խոցելու միջոցով նոր վերջնագրեր ներկայացնելու պատմական հնարավորություններ: