Ոչ մի դավաճան իր մահով չի գնացել. Գորիսի հոգևոր հովիվ․ News.am

NEWS.am-ը գրում է․Ինքը ռասխոդնի մատերիալ է, մանրադրամ է, ամեն տեղ մանրում են: Այս մասին NEWS.am-ի հետ զրույցում նշեց Գորիսի հոգևոր հովիվ Ահարոն քահանա Մելքումյանը՝ անդրադառնալով վարչապետ Նիկոլ Փաշինյանին:

Անդրադառնալով երեկ ԱԺ-ում Նիկոլ Փաշինյանի հայտարարությանը, թե ինչ վեղար էլ ուզում են՝ հագնեն, քանի կիլոյանոց, ինչ մետաղից խաչ ուզում են՝ դոշներից կախեն, Պապ թագավորը չի՛ սպանվելու, այսօրվա ՀՀ-ն իրագործումն է Պապ թագավորի երազանքի, հոգեւոր հովիվն ասաց. «Ինչ վերաբերում է Պապ թագավորին, Պապ թագավորն այլասերված էր, իրեն իսկապես սպանեցին: Պատմությամբ հաստատված է, ոչ մի դավաճան իր մահով չի գնացել:

Ցավոք սրտի, իրեն դժոխք է ճանապարհելու օտարերկրացին՝ բրիտանացին: Բրիտանացին երկրիս գլխավոր հրեշին կճանապարհի դժոխք: Այո, անգլիացին է ճանապարհելու, ցավոք սրտի, որպեսզի հայի ձեռքը չընկնի: Ինձ թվում է, որ ինքը դա կանխազգում է, դրա համար է իրեն պատերով տալիս: Այն, որ եկեղեցին դուրս է եկել, նշանակում է՝ իրենց կարգավիճակը շատ վատ է»:

Հիշեցնենք, որ երեկ ԱԺ-ում Նիկոլ Փաշինյանը հայտարարեց հետեւյալը. «Եկեղեցականները Կեսարիայում օծվում էին, գալիս էին Հայաստանում դառնում ազդեցության գործակալ: Այդ ազդեցության գործակալի հարցը Պապ թագավորից մինչև այսօր չի լուծվել, բայց ես համոզված եմ՝ առաջիկա 2-3 ամսվա ընթացքում դա էլ է լուծվելու:
Սա այն խոսակցությունն է, որ ընդհատվել է Պապ թագավորի սպանությամբ, Պապ թագավորը այլևս չի սպանվելու: Ես՝ որպես ՀՀ վարչապետ, երաշխավորում եմ, որ Հայաստանի պետությունը չի սպանվելու՝ ինչ վեղար էլ ուզում են՝ հագնեն, քանի կիլոյանոց, ինչ մետաղից խաչ ուզում են՝ դոշներից կախեն, Պապ թագավորը չի՛ սպանվելու, այսօրվա ՀՀ-ն իրագործումն է Պապ թագավորի երազանքը»: