13 10 2023

Հայաստանում կորոնավիրուսի նոր տարբերակ է հայտնաբերվել

Հայաստանի Հանրապետությունում արձանագրվել է սուր շնչառական վարակներով պայմանավորված ակտիվության աճ, ինչպես նաև կորոնավիրուսային հիվանդությամբ (COVID-19) պայմանավորված հիվանդացության ակտիվություն։ Միաժամանակ ՀՀ-ում դետքային համաճարակաբանական հսկողության շրջանակներում իրականացված լաբորատոր հետազոտությունների արդյունքում գրիպի վիրուսի հարուցիչներ չեն հայտնաբերվել։ Տեղեկությունը հայտնում է ՀՀ առողջապահության նախարարությունը` պատասխանելով Sputnik Արմենիայի գրավոր հարցմանը։

«Այլ շնչառական վարակներից հայտնաբերվել են ռինովիրուսի, ռեսպիրատոր սինցիտիալ վիրուսի և կորոնավիրուսային հիվանդության (SARS-COV-2) հարուցիչներ, գերակշռում են կորոնավիրուսային հիվանդության (SARS-COV-2) հարուցիչները»,- ասված է գերատեսչության պատասխանում։

Նշվում է, որ Հայաստանում առաջին անգամ հայտնաբերվել է կորոնավիրուսի EG.5 (Էրիս) տարբերակը։ Նոր ենթատեսակի ախտանշաններն են հազը, փռշտոցը, գլխացավը, ջերմությունը։ Հանրապետությունում շրջանառվում են նաև XBB.1.5 (Կրակեն), XBB.1.16 (Արկտուրուս) տարբերակները։

Կորոնավիրուսի վերարտադրության ցուցանիշը կազմում է Rt=1.4։ Ավելին` Հայաստանի Հանրապետությունում 2023 թվականի սկզբից հոկտեմբերի 9-ը ներառյալ COVID–ասոցացված կավասակիանման համախտանիշ արձանագրվել է մինչև 18 տարեկան 12 երեխայի մոտ, բոլորը ստացել են համապատասխան բուժում:

Միաժամանակ ՀՀ-ում մինչ օրս կապիկի ծաղիկ հիվանդության դեպք չի արձանագրվել: Վարակի ներբերման և տարածման վտանգը Հայաստանում համարվում է ցածր։

Հիշեցնենք, որ առողջապահության նախարարությունը սուր շնչառական վիրուսային վարակների, գրիպի և կորոնավիրուսային վարակների աճի ֆոնին խորհուրդ է տալիս պատվաստել, իսկ սուր շնչառական վարակներին բնորոշ ախտանշանների դեպքում (ջերմություն, գլխացավ, մկանային ցավ, մարմնի ցավեր, կոկորդի ցավ, չոր հազ) դիմել բժշկական հաստատություններ և ժամանակին բժշկական օգնություն ստանալ:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

կորոնավիրուս

Դիտել նաև

Իրավական 25 04 2024

Արսեն Թորոսյանի նախկին տեղակալի նկատմամբ հարուցել է նոր հանրային քրեական հետապնդում

Կորոնավիրուսային վարակի ընթացքում բուժառուների հիվանդության 829 կեղծ պատմագրի հիման վրա՝ Առողջապահության նախարարությունից հափշտակվել է 263 մլն 480 հազար դրամ

Հասարակություն 24 01 2024

«Մուրացան»-ում բուժում է ստանում սուր շնչառական հիվանդություններով 81 երեխա, 2-ի մոտ կորոնավիրուս է

Մասնագետները հորդորում են սուր շնչառական հիվանդությունների ախտանշանների ի հայտ գալու դեպքում չզբաղվել ինքնաբուժմամբ, չօգտագործել հակաբիոտիկներ

Մամուլի տեսություն 04 07 2023

25 բժիշկ մեղադրյալի կարգավիճակ ունի․ «Ժողովուրդ»

Մի շարք մութ պատմություններով ու խորհրդավոր բուժման պայմաններում ընթացած պայքարը Կորոնավարակի դեմ դեռ շարունակում է քննվել ու քննվել

Առողջապահություն 19 04 2023

Ուսումնասիրե՞լ եք՝ ինչպես են պատվաստված մարդիկ․ պատգամավորը՝ առողջապահության նախարարին

Որքա՞ն գումար է տրամադրվել քովիդի դեմ բուժվողների համար․ Գեղամ Նազարյանը՝ Անահիտ Ավանեսյանին

Հասարակություն 20 03 2023

Կորոնավիրուսի դեմ պատվաստված լինելը հավաստող կեղծ սերտիֆիկատներ տրամադրելու դեպքեր են արձանագրվել

Զբաղեցնելով տնօրենի պաշտոնը դրդմամբ կատարել է պաշտոնեական կեղծիք

Քաղաքական 14 03 2023

Սա PR քայլ է, կորոնավիրուսի ժամանակ միլիարդներ են մսխվել, դա չի բացահատվելու. Անի Հովհաննիսյան

Կորոնավիրուսի ժամանակ հիվանդների վրա դեղամիջոց է փորձարկվել, դրա համար ե՞րբ է հարցաքննվելու Արսեն Թորոսյանը. փաստահավաք խմբի անդամ