Ուզում ենք հասկանալ վերջին զարագացումներից հետո Պրահայում հանդիպումներից հետո ի՞նչ ճակատագիր է ունենալու Արցախը, ո՞նց է որոշվելու մեր՝ արցախցիներիս ապագան։ Yerevan.Today-ի հետ զրույցում Ստեփանակերտում տեղի ունեցող բողոքի ակցիայի մասին ասաց ակցիայի մասնակից քաղաքացիներից Վահե Հարությունյանը։
Ավելի վաղ տեղեկացրել էինք՝ Ստեփանակերտի հրապարակում քաղաքացիները ինքնաբուխ հանրահավաք են անցկացնում:
«Մենք հասկանում ենք, որ տարածքային ամբողջականությունը ճանաչելը առանց Արցախի հիշատակման նշանակում է Արցախը Ադրբեջանի կազմում թողնել։
Դա կնշանակի Արցախի կործանում։ Այժմ Արցախը կանգնած է ամենամեծ վտանգի առջև։ Հայաստանի իշխանությունները Արցախի ժողովրդին տանում են ոչնչացման և՛ ֆիզիկապես, և՛ վտարանդի դարձնելով»,-ասաց Արցախի բնակիչը։
Մեր զրուցակցի խոսքով, Արցախում համախմբում է անհրաժեշտ՝ մի կողմ թողնելով առկա քաղաքական և կենցաղային տարաձայնությունները։
«Թեկուզ փողոց դուրս գալով մեր իրավունքները պահանջենք պաշտապնել և՛ միջազգային հանրությանը և Հայաստանի իշխանություններին։ Սա միակ ուղին է Արցախը փրկելու»։
Անդրադառնալով՝ Ադրբեջանի նախագահի կողմից վերջին հայտարարություններին, թե արցախցիննների հարցը Ադրբեջանը չի պատրաստվում երրորդ երկրի հետ քննարկել, Վահեն նշում է․
«Ալիևը շատ բաներ է ասել նաև նախկինում, սակայն եթե նախկինում ՀՀ իշխանությունները հակադարձում էին, ապա հիմա չեն կարողանում հակադարձել, և Ալիևի հայտարարությունները շատ վտանգավոր են դառնում։ Մենք ունենք ՀՀ անձնագիր և համարվում ենք ՀՀ քաղաքացի, Հայաստանի իշխանությունները փաստացի պարտավոր են մեր անվտանգությանը երաշխավորել լինել։ Դա իրենց պարտավորությունն է, բայց հիմա փաստացի հրաժարվում են 100-150 հազար ՀՀ անձնագիր ունեցող իրենց քաղաքացիներից։ Սա հերթական դավաճանությունն է Արցախի բնակչության հանդեպ»։
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը