Առավոտյան բիրտ ուժ կիրառելով Իջևանի բաժին բերման են ենթարկել ճանապարհը փակած կիրանցեցի տղամարդկանց

ԱԺ «Հայաստան» խմբակցության պատգամավոր Գառնիկ Դանիելյանը հայտնում է, որ վաղ առավոտյան բիրտ ուժ կիրառելով Իջևանի ոստիկանության բաժին բերման են ենթարկել  ճանապարհը փակած կիրանցեցի տղամարդակց: 

«Ազգային ճակատը» հայտնում է, որ մեծաքանակ ոստիկանական ուժեր այս պահին կուտակվել են Կիրանց գյուղի տարածքում:

«Կիրանցում ոստիկնության կողմից այս պահին իրականցվում է «Օղակ» օպերացիա:
Ոստիկանության ուժերը փակել են գյուղի մուտքերը:
Մեծաքանակ ոստիկանականներ լցվել են գյուղ: Ականազերծման աշխատանքներին խոչընդոտող գյուղացի տղամարդիկ վայրենի կերպով բերման են ենթարկվել: Բերման ենթարկվածնեուի մեջ կան նաև անչափահասներ: Այս պահին գտնվում եմ Իջևանի ոստիկանության բաժնում, որտեղ բերման է ենթարկվել 2 տասնյակից ավել քաղաքացի»,- գրել է Դանիելյանը։ 

«Տավուշը հանուն հայրենիքի» քաղաքացիական շարժումը հայտում է, որ ոստիկանները բերման են ենթարկել Կիրանց գյուղի ռազմական նշանակության ճանապարհի մոտ 24-ժամյա հսկողություն իրականացնող գյուղացիներին, նրանց թվում կան նաև անչափահասներ։

Նշենք, որ արդեն 13 օր է Տավուշի մարզի բնակիչները, որոնց միացել են ՀՀ տարբեր մարզերից քաղաքացիներ, փակել են Հայաստան-Վրաստան միջպետական ճանապարհը՝ դեմ արտահայտվելով Տավուշում իրականացվող սահմանազատման աշխատանքներից, իշխանության միակողմանի զիջումներից։