3 ելույթ Փաշինյանից զիջման և փոխզիջման մասին

2017 թվականի մարտի 24-ին հարցազրույց տալով՝ ԱԺ պատգամավոր Նիկոլ Փաշինյանն ասում է․ «Պետք է փոխզիջում բառը հայոց բառապաշարից արմատախիլ անենք, քանի դեռ Ադրբեջանը խոսում է Ստեփանակերտում և Երևանում թեյ խմելու մասին։ Փոխզիջման մասին կարելի է լրջորեն խոսել էն պարագայում, երբ Ադրբեջանը հստակ հայտարարի, որ պատրաստ է քննարկել և ընդունել Լեռնայն Ղարաբաղի ժողովրդի ինքնորոշման իրավունքը»։

2017 թվականի մարտի 30-ին մամուլի ասուլիս տալով՝ Նիկոլ Փաշինյանը հայտարարում է․ «Այն, ինչ իրականում զիջում է, դրա անունը սկսել են դնել փոխզիջում: Իսկ ի՞նչ է զիջում Ադրբեջանը, որևէ մեկը կարո՞ղ է բացատրել: Երբ որ Ադրբեջանն ասում է, որ իրենք Ստեփանակերտում են թեյ խմելու, Երևանում են թեյ խմելու, Սևանա լճի ափին չգիտեմ ինչ են անելու, այս պայմաններում տարածքների վերադարձի մասին խոսելը նշանակում է ադրբեջանցիներին առանց որևէ խնդրի մոտեցնել Ստեփանակերտին, Սևանին, Երևանին»։

2024 թվականի ապրիլի 22-ին վարչապետ Նիկոլ Փաշինյանն ասում է՝ «Հայաստանի Հանրապետությունը չի պատրաստվում պատերազմ վարել Լեռնային Ղարաբաղի համար»։