13 02 2021

Ինչու էր Աղվան Վարդանյանն ԱԺ գնացել․ «Հրապարակ»

Ինչու էր Աղվան Վարդանյանն ԱԺ գնացել․ «Հրապարակ»

«ՀՅԴ-ական նախկին պատգամավոր, Ռոբերտ Քոչարյանի ազատության համար ժամանակին ստեղծված հանձնախմբի համակարգող Աղվան Վարդանյանի՝ ԱԺ կատարած այցն իսկական ֆուրոր է առաջացրել խորհրդարանում։ Մի քանի օր է՝ հատկապես իշխանական պատգամավորներն ակտիվ քննարկում են, թե ինչ նպատակով էր այցը, ում է հանդիպել, ինչպես է հայտնվել շենքում։ Մենք արդեն գրել ենք, որ անցագիրն իջեցրել է ԲՀԿ-ական Հրանտ Մադաթյանը, իսկ այցի բուն նպատակի մասին Վարդանյանը հետաքրքրվողներին պատասխանել է․ «Օձին իր բնում է պետք խեղդել․․․»։

 

Պատահական չէ, որ իմքայլականները փորձում էին գուշակել, թե ինչ է անում «Քոչարյանի մարդն» ԱԺ-ում։ Հատկապես հուզվել էին նրա՝ ԱԺ միջանցքներում տված հարցազրույցներից։ Վարդանյանը նաեւ հյուրընկալվել էր ԼՀԿ-ում՝ անակնկալի բերելով Էդմոն Մարուքյանին։ Ի՞նչ եք քննարկել, ԼՀԿ-ից ասացին՝ առանձնապես ոչինչ․ «Սուրճ առաջարկեցինք, մերժեց, ասաց՝ եկել էր խորհրդարան, որոշել է մեզ էլ այցելել»»,-գրում է թերթը:

Նյութն ամբողջությամբ կարդացեք թերթի այսօրվա համարում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ