Սառցե հեքիաթը «Երևան պարկում» սկսվել է. ձմեռային ժամանցը համալրվել է նաև սահադաշտով

Ձմռան առաջին օրը՝ դեկտեմբերի 1-ին, քաղաքի ամենասիրելի վայրերից մեկում՝ «Երևան պարկում», ազդարարվեց ձմեռային սեզոնի բացումը: Այս տարի Ձմեռային սեզոնը կրում է «Սառցե հեքիաթ՝ վիշապի լեգենդը» անվանումը: Շոու ծրագրով վերաբացվեց նաև սահադաշտը՝ համալրելով ձմեռային ժամանցի տարբերակները:

«Երևան պարկի» տնօրեն Գագիկ Նուշիկյանը լրագրողների հետ զրույցում նշեց՝ պարկում ձմեռային մասի համալրումը պայմանավորված է իրենց այցելուների պահանջով.

Ամեն օր հյուրերին սպասվում են ամանորյա շոուներ ու ներկայացումներ։ Ձմռանը գործելու են նաև բացօթյա ատրակցիոնները, ինչպես նաև սահադաշտը, բոլորի դեպքում կլինի մեկ տոմսի գաղափարը:

Ինչպես միշտ, այս տարի ևս Երևան պարկը ներառել է սոցիալական բաղադրիչ: Երևան պարկն Արցախից ընդունել է ավելի քան 1000 հյուր՝ երեխաներ և ծնողներ, տոմսն ու սնունդը անվճար, մինչև տարվա վերջ պատրաստվում է ընդունել ևս 1000 հյուր:

Նշենք, որ «Երևան պարկում» բացի բացօթյա ու փակօթյա ատրակցիոններ ու մեծ սահադաշտից, գործում են նաև Game Zone, Sweet factory, «Ամրոց» սրճարանը և ֆուդկորտ: